သာယာဝေစည် ချင်းဌာဏီ ( ၂ )

သာယာဝေစည်ချင်းဌာဏီ.(2)

တစ်ညတာအနားယူ ခဲ့ရသဖြင့် ပင်ပန်းသမျှ ပျောက်ကာခရီးဆက်ဖို့ကျမတို့တစ်ဖန်ပြင်ဆင်ခဲ့ရပြန်ပါပြီ။ဒီတစ်ခါတော့ ဖခင်၏ဇာတိ  ရွာကလေးဆီမမောမပန်းချီတက်ရပေအုံးမည်။ တော၊တောင်တွေပတ်လည်ဝိုင်းနေသည့်တောင်ကြားလမ်းကျဉ်းလေးအတိုင်းလျှောက်လာရင်း စမ်းချောင်းလေးများကို နေရာအနှံမြင်တွေ့ရတော့ မြေပြန့်မှာလို သွားလေရာရှေဗူးသယ်သွားရသည့် အဖြစ်မျိုးမကြုံရပေ။ရေဆာသည့်အခါ ၀ါးခြမ်းလေးများဖြင့်သွယ်ထားသည့်စမ်းရေသဘာဝရေခဲရေကိုအားပါးတရသောက်နိုင်သလို၊ခြေ၊လက်ဆေးလျှင်လည်းအဆင်ပြေနိုင်သည်မို့

လွန်စွာကျေနပ်စရာကောင်းလှပါသည်။တောင်တောင် ရဲ့ အငွေ့အသက်နှင့်ရင်းနှီးစပြုလာသူကျမအတွက် သားရဲတို့၏အော်မြည်သံများကို အရင်လောက်ကြောက်စိတ်မ၀င်မိတော့ပါ။

တစ်ခါတစ်ရံ အဝေးဆီမှ သေနတ်သံများကြားရသည့်အခါ ဖခင်ကိုမေးမိပါသည်။ ချင်းတိုင်းရင်းသားတို့၏ အမဲလိုက်နေသည့်သေနတ်သံဖြစ်ကြောင်းရှင်းပြသည့်အခါ၊ ၀န်ထမ်းတစ်ဦးဖြစ်သည့် ဖခင်သည်ရုံးပိတ်ရက်များတွင် ပဲခူးရိုးမသို့သွားကာ အမဲလည်နေတတ်သူဖြစ်ကြောင်းသတိရမိသည်။ဖခင် ယူဆောင်လာသည့် ကျီသား၊တောဝက်သား၊မျောက်ချေးခါးများကို အရာရှိများက လွန်စွာကြိုက်နှစ်သက်သဖြင့် ရံုံးပိတ်လျှင် လေသေနတ်တစ်လက်ဖြင့်အမဲလိုက်တတ်သောဖခင်သည်လည်းယခုလိုတောကြီးမြက်မည်းထဲတွင်မကြောက်မရွံ့ သွားလာနေသည်မှာ ချင်းလူမျိုးတို့၏ထုံးစံဖြစ်ကြောင်းသိခဲ့ရသည်။ရုံးပိတ်ရက် ဆိုလျှင် ချင်းကလေး အမဲမလည်ဘူးလားဟု မေးတတ်သောအထက်လူကြီးများစကားကိုငယ်ငယ်ကကြားဖူးသလို ဖခင်၏ ၀ါသနာကို ဖြည့်ဆည်းပေးကြသည့်သူတို့ကိုပဲကျေးဇူးတင်ရမလိုပေ။

သည်လိုနှင့်နားရင်းလျှောက်ရင်းတစ်ဖြည်းဖြည်းနီးလာပြီဟုပြောသောဖခင်စကားကို မယုံတစ်ဝက်ယုံတစ်ဝက်ဖြင့် ဆက်လျှောက်ရာ အလွန်မြင့်မားသော တောင်ထက်ဆီမှ မူန်ဝါးဝါးရွာလေးတစ်ရွာကိုမြင်ရ သဖြင့် ဖခင်က

ဝမ်းသာအားရအော်ရင်း“ သမီးရေ အဲဒါ အဖေတို့ရွာပေါ့” ဟုအားရပါးရပြောနေသောဖခင်စကားကို ပျော်ရမလို၊ငိုရမလိုဖြစ် ကျမ အဖြစ်ကိုသတိရမိသေးသည်။အဘယ်ကြောင့်ဆိုသော်၊ ရွာရောက်ခါနီးပြီဆ်ိုသည်မှာ အင်မတန်မြင့်မားသော ခပ်ရေးရေးသာမြင်ရသောတောင်ထိပ်ဆီမှ ရွာဖြစ်သောကြောင့်ဆက်ရမည့်ခရီးသည် ဖခင်၏ အမျိုးများရှိရာ “လွီဗန်းရွာ”သို့ရောက်ခါနီးတောင်ခြေမှ

တောင်ပေါ်ရွာအထိ မှောင်ရီပျိုးစအချိန်မှ ၊ ညဆယ်နာရီခွဲအထိ လျှောက်ခဲ့ဘူးသောကြောင့် ယခုဆိုရင်ကျမမြင်ရယုံဖြင့်ထိုင်ကာသာငိုလိုက်ချင်အောင်ဖြစ်သွားမိပါသည်။

ဖခင်ဖြစ်သူသည် တာဝန်ထမ်းဆောင်နေရင်းမြေပြန့်သူမိခင်နှင့်ဖူးစာဆုံသောကြောင့်တိုင်းပြည်တာဝန်၊အိမ်ထောင်တာဝန်တို့ဖြင့် ဆွေမျိူးများနှင့်ကင်းကွာခဲ့သည်မှာနှစ်၊နှစ်ဆယ်နီးပါးကြာခဲ့ပြီဖြစ်သောဖခင်၏ လွမ်းဆွတ်တသနေပုံ၊ပျော်ရွှင်နေပုံတို့ကိုမြင်ရသောကြောင့်စိတ်မကောင်းဖြစ်မှာစိုးသဖြင့် ခရီးဆက်ရန်သဘောတူလိုက်သည်။ထိုခဏ၊ရွာမှ ခရီးသွားအမျိုးတစ်ဦးနှင့်ဆုံသဖြင့်၊ ဖခင်ကိုနူတ်ဆက်ရင်းချက်ခြင်းဆိုသလိုကျမတို့ကိုနားခိုင်းပြီး၊ နောက်ကြောင်းလှည့်ကာရွာသို့အကြောင်းကြားရန်ထွက်ခွာသွားပါသည်။ဖခင်က “အဖေ့သမီးလေးကိုသနားလာပြီ၊ ရွာကအမျိုးတွေကိုလာကြိုဖို့၊အဖေလွှတ်လိုက်တာ”ဟုပြောပါသည်။ထုံးစံအတိုင်းစကားများသော ကျမက “အဖေရယ်၊ကားလည်းမရှိ၊စက်ဘီးလည်းမရှိ၊ဒီလောက်လမ်းကျဉ်းကျဉ်းလေး၊လာကြိုရင်လည်း၊လမ်းလျှောက်ရမှာပဲကို၊ ဘာထူးမှာလဲ”ဟုပြောသောကျမစကားကိုဖခင်ကရယ်ရင်း“သမီးကလည်း၊လာရင်သိမှာပေါ့လို့”ပြောပါသည်။

သိပ်ကြာကြာမစောင့်လိုက်ရပါလူတစ်အုပ်ကြီးရောက်ချလာပါတော့သည်။ဝမ်းသာအားရဖက်ကြရင်းချင်းလိုပြောနေသောကြောင့်ကျမနားမလည်ပါ။

ထို့နောက်ပါလာသောစောင်ပုခက်ကိုဝါးလုံးလျှိူ   လျက်တစ်ယောက်တစ်ဖက်ထမ်းကာသယ်ရန်ကျမကို ခေါ်ပါတော့သည်။အသက်ငယ်သော်လည်း အရှက်ကြီးသောကျမကမစီးချင်သောကြောင့်ဖခင်ကိုလမ်းလျှောက်ရန်သာဇွတ်ပြောနေတော့သည်။ကျမတို့မြေပြန့်မှာဆိုလူနာတွေကိုသယ်သွားတာ

ပဲမြင်ဖူးနေကြမို့၊ကျမ ကိုဘယ်လိုပဲပြောပြော ခြေသာအညောင်းခံတော့မည်မစီးတော့ဟု၊သမီးအကြောင်း

ကောင်းကောင်းသိနေသောဖခင်က၊လမ်းဆက်လျှောက်ခိုင်းပါတော့သည်။ ကျမအတွက်စကားပြောစရာအဖော်မရှိတော့၊အမျိူးတွေနှင့်

လမ်းလျှောက်ရင်းအာပေါင်အာရင်းသန်သန်နှင့်၊ချင်းလိုပြောနေကြသောဖခင်နှင့်အမျိုးတစ်အုပ်ကြောင့်စိတ်ကောင်ရင်းခြေညောင်းမှန်းမသိအောင်

လျှောက်နေသောကျမ အဖြစ်ကိုယခုထိ သတိရနေသေးသည်။

တောင်ပေါ်သားတို့သွားနေကျအတိုင်းသွားပါကသိပ်မဝေးသော်လည်းကျမအတွက်ကြောင့်အားလုံးခြေဘရိတ်အုပ်ရင်းခပ်ဖြည်းဖြည်းသာ

သွားကြပါတော့သည်။ချင်းသမီးဖြစ်သောကျမအတွက်၊တစ်ခါမှမရောက်ဖူးသောဒေသကိုချင်းသွေးပါသောကြောင့်ယခုလိုခရီးဆက်နိုင်သည်ကို

အမျိုးများကချီးကျူးနေကြသည်။ဘယ်သူတွေဘာပြောပြော၊“ဒါမှအဖေ့သမီးကွ”ဟုမကြာခဏမြှောက်မြှောက်ပြောတတ်သောဖခင်စကားကြောင့်

ယခုလိုခရီးတွင်နေခြင်းဖြစ်မည်ဟုယခု  အချိန်ပြန်စဉ်းစားရင့်းပြုံးမိသေးသည်။ဟော…သိပ်မကြာခင် ဖခင် ၏ဇာတိချက်ကြွေမွေးရပ်မြေဖြစ်သည့် ချစ်သောဆွေမျိုးများရှိရာ ပမိုင်းရွာလေးသို့ရောက်ခဲ့ပါပြီ။အေးချမ်းမူ့၊ဆိတ်ငြိမ်မူ့၊သာယာမူ့တို့ဖြင့်တည်ဆောက်ထားသောကျမ၏ချစ်ဖခင် မြတ်နိုးတန်ဖိုးထားရာချစ်စရာ့ရွာလေးကိုကျမရောက်ဖူးခဲ့ပါပြီ။ကျမ၏အဖွား၊ဖခင်၏မွေးမိခင်ကြီးမှာအိန္နိယရှိဦးကြီးနှင့်၊အဒေါ်များထံတွင်သွားရောက်

နေထိုင်ကြောင်းသိရသဖြင့်အဖွားကိုတွေ့ချင်သောကျမနှင့်မိခင်ကြီးကိုလွမ်းနေသောအဖေနှင့်ကျမစိတ်မကောင်းဖြစ်ရပါသည်။

ရွာရှိဖခင်၏အဒေါ်များတစ်ယောက်ပြီးတစ်ယောက်ရောက်လာရင်းသူတို့၏တူကိုချင်းဘာသာဖြင့်ပြောရင်းငိုရင်းဖက်ကြပါတော့သည်။ကျမ ကိုတော့အဖွားလေးများကလာနမ်းကြသည်။တူကိုချစ်သောအဒေါ်များကိုကြည့်ရင်းခလေးပီပီမေးခွန်းထုတ်လိုက်သေးသည်။“အဖေ၊သမီးတို့

လာတာပျော်ရမှာဘာလို့ငိုနေတာလဲလို့မေးတော့၊သမီးရယ်အဖေ့ကိုသေသလားရှင်သလားတောင်မသိအောင်အဆက်သွယ်ပြတ်နေတာရယ်၊

သူတို့သေတောင်မတွေ့ရတော့ဘူးလို့ထင်နေတာအခုလိုတွေ့ရလို့ဝမ်းသာပြီးငိုတာပေ့ါလို့”ရှင်းပြပါသည်။ဘာမှနားမလည်သော ကျမအတွက် ပင်ပန်းတာမေ့ပြီး၊ဗိုက်က ဆန္ဒပြသောကြောင့် ဖခင် ကိုအချက်ပြ လိုက်သောအခါ အဖေ့ ညီမ က ကျမအတွက်စားစရာပြင်ဆင်ပါတော့သည်။ခဏအကြာ ပန်းကန်တစ်ခုထဲတွင် ထမင်းများကိုဆန်ပြုတ် ပြုတ်သလို ချက်ထားသည့်ဆန်ပြုတ်ပန်းကန်ကိုတွေ့သောအခါ နေထိုင်မကောင်းသည့်အချိန်မှာပင် မစားချင်သောဆန်ပြုတ်ကိုယခုလှိုဗိုက်အလွန်ဆာနေသောအချိန်တွင်ကျွေးသောကြောင့် ထိုပန်းကန်ကိုကြည့်ရင်း ထိုင်ငိုနေသောကျမအဖြစ်ကို အမျိုးတစ်အုပ်က ၀ိုင်းရယ်နေသောအဖြစ်ကိုယခု အချိန်ထိမှတ်မိနေပါသေးသည်။

ဘူးဆိုရင်ဖရုံ မသီးသောကျမ အဖြစ်ကိုသိနေသောဖခင်က ချင်းလို သူ့ညီမကိုပြောလိုက်သဖြင့် တောင်ပေါ် ဒေသ အလွန်ခေါင်သောနေရာဖြစ်ပေမယ့် ကော်ဖီပူပူလေးတစ်ခွက်နှင့်ပြောင်းဖူးကြော်တစ်ခွက်၊ မကြာခင်ရောက်လာသည့်အတွက် ဆန်ပြုတ်မကြိုက်သော ချင်းမကလေးမှာ ပြောင်းဖူးကိုဖြင့်အင်မတန်နှစ်သက်သည့်အတွက်အားရပါးရစားလိုက်ပါတော့သည်။ှဝမ်းဗိုက်ကိစ္စအဆင်ပြေ ပြီးနောက်ရေသောက်ချင်သောကြောင့်

ရေအိုးစင်၊ ရှာမတွေ့သောကြောင့်ဖခင်ကိုမေးရာ အမျိုးတစ်ယောက်က ရေစင်ရှိရာခေါ်သွားပြီး ၀ါးဘူးများကိုလက်ညိုးထိုးပြသောကြောင့် ဘာမျှမမေးပဲ

ဝါးဘူးကို ကိုင်မြှောက်လိုက်သောအခါ ပေါ့ပါးသောကြောင့် ရေနည်းနည်းရှိမည်အထင်ဖြင့် ပါးစပ်တေ့လျက် မော့ချလိုက်ရာ ရေများတလဟော ကျလာသဖြင့် ကျမတစ်ကိုယ်လုံးဆိုရွှဲသွားသောကြောင့် ငိုအားထက်ရယ်အားသန်ဆိုသလို ကိုယ့်အဖြစ်ကို ကိုယ့်ဖာသာတွေးရင်းရယ်နေမိတော့သည်။

အိန္ဒိယနှင့်နီးသဖြင့် တောရွာပင်ဖြင့်လင့်ကစား အတော်သင့်ခေတ်မီသော အိမ်သုံးပစ္စည်းများကိုတွေ့ရသည်။အိမ်တိုင်းလိုလို စပါးကျီ ကိုယ်စီနှင့်။ဖခင်ပြောနေကျ ငါပင်စင်ယူရင် ချင်းပြည်ပြန်နေမယ်၊ဟိုမှာဆိုရင်နေရေး၊စားရေးဘာမှမပူရဘူးဟု ပြောနေကျစကားကိုယခုမျက်မြင်ကိုယ်တွေ့မြင်ခဲ့ရသည်။ကော်ဖီစိုက်ခင်းများ၊ ပြောင်းစိုက်ခင်းများဖြင့်စပါးပင်များကို လည်းလှေကားထစ်စနစ်ဖြင့်စိုက်ပျိုးထားသည်ကိုကျမအတွက်တော့အထူးအဆန်းပင်ဖြစ်နေပါသည်။ အိမ်တိုင်းတွင် ရိုးရာဓလေ့ဖြစ်သည့် ယက်ကန်း ယက်နေသည်ကိုလည်းတွေ့ရသည်။ချင်းစောင်များကို လှပစွာအရောင်သွေးစုံလင်စွာဖြင့် စိတ်ရှည်စွာယက်လုပ်နေသော ချင်းတိုင်းရင်းသူများ၏လက်ဆင့်ကမ်းဓလေ့၊ရိုးရာလုပ်ငန်းပင်ဖြစ်ပါသည်။အဖြူရောင်ပေါ်တွင်အနက်စင်းရှိသောစောင်မှာကျမတို့မဒမ်လူမျိုးတို့၏ရိုးရာချင်း

စောင်ဖြစ်ကြောင်းဖခင်မှ ရှင်းပြပါသည်။မိမိသေဆုံးသည့်အခါထိုစောင်ဖြင့် ခြုံရသည်ဟုပြောပါသည်။ ချင်းမြေ သို့ခြေချမိသည်နှင့် ကျမအတွက်အရာရာတိုင်း

ဟာ အသစ်အဆန်းပင်ဖြစ်နေပါတော့သည်။

 ရွာလည်တွင် ရှိသော တောင်ကုန်းမြင့်မြင့်ပေါ်တွင် ကျမတို့ဘာသာအရ ဘုရားရှိခိုးကျောင်းကိုတည်ဆောက်ထားသည်မှာလည်း တင့်တယ်လှပါသည်။ဘုရားကျောင်းနောက်ဖက်ခပ်လှမ်းလှမ်းတွင် ဖခင်၏ ဦးလေး၊ကျမ ၏အဖိုးလေးမှာထိုရွာ၏ အသင်းအုပ်ဆရာဖြစ်သလိုတစ်ရွာ လုံးက ချစ်ကြောက်ရိုသေကြပါသည်။ အဖွား၏ မောင်နှမများကို တွေ့ရသော်လည်းကျမ ၏အဖွားကိုတော့မတွေ့ခဲ့ရပါ။ အဖွား၏ ညီမ၊ ကျမ၏အဖွားလေးမှာ မွေးရာပါမျက်မမြင်ဖြစ်သော်လည်း တစ်ဦးတည်း အိမ်တစ်လုံးဖြင့် ကိုယ့်ဟာကိုယ်နေသည်ကိုအံ့သြစွာတွေ့ရပါသည်။ဖခင်ကိုလွန်စွာချစ်သောကြောင့် ကျမ ကိုလည်း မမြင်ရသည့်တိုင်လက်ဖြင့်မျက်နှာကိုလိုက်စမ်းက ဖခင်ကိုချင်းလိုမေးနေပါသည်။ပြောင်းဖူးများကိုမီးထဲတွင်ထည့်ကာ ပြောင်းဖူးပေါက်ပေါက်များကိုတစ်ခု ချင်းစီမီးဖုတ်ကာကျွေးပါတော့သည်။ပါးစပ်ထဲတွင်လည်းဆေးတံတစ်ချောင်းအမြဲငုံလျက်ချင်းလိုပြောရင်းငိုနေသော

ကျမအဖွားလေးကိုယခုတိုင်သတိရနေပါတော့သည်။