ချစ်သူ ရေ
ဒီည မှာ
အထီးကျန်တမ်းချင်းထဲက
ခွဲခွာခြင်းမပါတဲ့ တေးသွား
ကိုယ့်အတွက်ရည်ရွယ်လို့
တစ်ရက်စာအလွမ်းလေးပဲ ဖြစ်ဖြစ်
တစ်သက်စာ လွမ်းတေးပဲဖြစ်ဖြစ်
နားဆင်ခွင့်ရချင်တယ်
အရောင်ပြောင်းမြန်
ရင်ခုန်သံ ကာလာတွေ
မင်းနဲ့အတူ သုတ်ခြယ်နိုင်ဖို့
တေးတစ်ပုဒ်လိုနေတယ်
မွန်းကြပ်ခြင်းနဲ့ ငါ့ကမ္ဘာငယ်မှာ
ဝင်လာအလည်သွားတဲ့
နင့်တေးသွားတွေ
ငြိမ့်ညောင်းနေဆဲ
ချို မြဆဲ ပါ
ကတိစကားကြားရင်
နင်တစ်ခါ ပြေးထွက်သွားမယ့်
အချစ်မရှိသောနေရာကို
ငါ့ကိုအပါခေါ်သွားပါ
တမ်းတဆဲ နေ့ရက်တွေ
အချစ်မရှိ ပြောင်းရက်တွေ
နင်နဲ့အတူမေ့နိုင်ဖို့
အချစ်မပါ တေးသွား
တီးခတ်ဆို ပြ ဒီ တစ်ညစာ....။
No comments:
Post a Comment